Google ADS

Zjarri në Karaburun, rrezik serioz për parkun e Llogarasë

08:39 | 5 Gusht 2021
Trina Galanxhi

Zjarri në Karaburun po bëhet rrezik evident për parkun e Llogorasë. Era e fortë dhe me drejtim nga jugu ka bërë që situata e zjarrit në malin e Karaburunit dhe pikërisht pjesa mbi Gjirin e Gramës që lidhet me Llogaranë të përkeqësohet.

Sipas punonjësve të ADZM situata po përkeqësohet me nisjen e erës që fryn nga jugu duke bërë që flakët e zjarrit të përparojnë në pjesën e malit dhe po i afrohen pjesës halore ose me pisha, gjë që përbën rrezik serioz.

Forca të shumta i janë drejtuar sot në orët e para malit, por deri tani raportohet situatë e vështirë. Kërkohet ndërhyrje urgjente nga ajri për neutralizimin e flakëve.

Ndërkohë mbi fshatin Dukat i Ri janë aktive tre vatra zjarri, edhe për këto në rast se nuk ndërhyhet do përhapen me shpejtësi shprehen banorët./tch/

Shpërndaje në rrjete sociale

Lajmet më të lexuara

Të ngjashme

Foto lajm