Zjarri në fushën e mbetjeve në Elbasan, 20 efektivë angazhohen për shuarjen e flakëve

23:31 | 26 Gusht 2023
Orgesa Haziri

Për shkak të situatës së rënduar nga zjarri në fushën e mbetjeve pranë inceneratorit të Elbasanit, në ndihmë të zjarrfikësve kanë shkuar edhe efektivë të Forcave të Armatosura.

Ministri i Mbrojtjes Niko Peleshi bën të ditur se 20 efektivë të FA dhe 5 mjete janë angazhuar për shuarjen e flakëve.

“Forcat e Armatosura iu përgjigjën menjëherë kërkesës së autoriteteve vendore të Elbasanit për të ndihmuar më vënien në kontroll të flakëve në vendgrumbullimin e mbetjeve urbane. 20 efektivë të BMEC-së dhe 5 mjete janë nisur krah forcave zjarrfikëse të Elbasanit për të frenuar përhapjen e zjarrit që favorizohet nga era dhe temperaturat e larta”, njofton ministri Peleshi.

Zjarri në fushën e mbetjeve pranë inceneratorit të Elbasanit nisi mbrëmjen e sotme. Shkaqet e rënies së zjarrit nuk dihen./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm