Google ADS

Zgjedhjet në Rrogozhinë të Shqipërisë do të përsëriten

18:01 | 15 Qershor 2023
E.H

Zgjedhjet në Bashkinë e Rrogozhinës në Shqipëri do të përsëriten.

Është ky vendimi i dhënë nga Kolegji Zgjedhor pas ankimimit të bërë nga koalicioni “Bashkë Fitojmë”, kandidati i së cilës nuk e pranoi humbjen duke bërë akuza për manipulime votash.

Në këtë mënyrë, do të duhet që Presidenti i Republikës të shpallë datën e zgjedhjeve të reja në Rrogozhinë brenda 4 javësh.

Bashkia e Rrogozhinës u fitua nga kandidati socialist Edison Memolla me diferencë të vogël votash përballë rivalit të tij Shkëlqim Hoxha.

Ky i fundit bëri akuza se rezultati u përmbys te kutia ku votonin të burgosurit e Rrogozhinës, duke pretenduar për parregullsi dhe manipulime. /tvklan.al

Shpërndaje në rrjete sociale

Lajmet më të lexuara

Të ngjashme

Foto lajm