Zbardhen 6 ngjarje të rënda kriminale në Shqipëri, megaoperacion i policisë në disa qytete

23:26 | 27 Shtator 2023
Orgesa Haziri

Policia e Shqipërisë është duke zhvilluar një operacion në disa qytete të vendit, për zbatimin e 15 urdhër-arresteve të lëshuara nga gjykata, për pjesëtarët e një grupi vrasësish me pagesë të përfshirë në disa ngjarje të rëndë kriminale.

Arrestimet janë duke u kryer në Elbasan, Berat dhe Lushnje dhe raportohet se kanë ardhur pas bashkëpunimit të një të arrestuari me autoritetet, i cili ka rrëfyer për të paktën 6 vrasje të ndodhura në kohë dhe zona të ndryshme.

Policia e Elbasanit e asistuar nga FNSH ka kryer gjatë pasdites kontrolle të imtësishme në qytet. Sipas informacioneve paraprake janë shoqëruar të paktën dy persona një grua e identifikuar si Klea Gjata dhe një burrë.

Burime konfirmojnë se shtetasja Klea Gjata dyshohet se është përfshirë në një ngjarje të rëndë kriminale.

Paraprakisht bëhet me dije se asaj i janë marrë shenjat e gishtave për verifikim./A2/

Shpërndaje në rrjete sociale

Lajmet më të lexuara

Të ngjashme

Foto lajm