Vrasja me thikë e 14-vjeçarit, Begaj: Të reflektojmë si shoqëri, të frenojmë promovimin e dhunës

18:16 | 18 Nëntor 2024
E.G

Presidenti i Shqipërisë, Bajram Begaj ka reaguar pas ndarjes nga jeta të 14-vjeçarit si pasojë e një konflikti me dy bashkëmoshatarë të tij, pak metra larg ambienteve të shkollës “Fan Noli”.

Me anë të një postimi në Facebook Begaj u ka shprehur ngushëllime familjes, shkruan Arbresh.info.

Po ashtu, ai i ka uruar shërim të shpejtë e të plotë nxënësit e plagosur.

“Kjo ngjarje e rëndë na shqetëson dhe na ngarkon me përgjegjësi për mjedisin ku po rrisim dhe edukojmë fëmijët tanë, duke përfshirë shoqërinë, shkollën dhe familjen. “, ka shkruar ai.
“Si shoqëri, kemi një sfidë të madhe përpara: Të frenojmë promovimin e dhunës në rrjetet sociale dhe hapësirën online, si dhe të ndalojmë çdolloj shfaqje të dhunshme në shoqërinë tonë.”. theksoi ai.

Presidenti Begaj theksoi se fëmijët dhe të rinjtë tanë meritojnë të orientohen drejt modeleve pozitive të punës, shkollimit dhe arritjeve nëpërmjet tyre./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm