Google ADS

Vrasja e 43-vjeçarit në Memaliaj, arrestohen babë e bir

22:13 | 7 Shtator 2018
Trina Galanxhi

Policia ka mundur të zbardhë vrasjen me armë zjarri të 43-vjeçarit nga fshati Rabie, të Memaliajt duke vënë në pranga autorët. Ata janë Hetem Muho, 59 vjeç dhe Dino Muho, 20 vjeç, (babë e bir) banues në Sarandë.

“Ndalimi i tyre u bë pasi dyshohet se në bashkëpunim me njëri-tjetrin, ditën e djeshme rreth orës 11:35, kanë vrarë me armë zjarri shtetasin A.M., 43 vjeç, banues në fshatin Rabie, Tepelenë. Kjo ngjarje ndodhi në vendin e quajtur “Bolovec” të fshatit Rabie.

Nga tërësia e veprimeve dyshohet se dy autorët e kanë vrarë shtetasin A.M. për shkak të konflikteve të përsëritura me motive pronësie, në fshatin e origjnës së autorëve”, thotë policia në një njoftim për mediat.

Babë e bir akuzen për “Vrasje me dashje kryer në bashkëpunim, “Prodhim e mbajtje pa leje armëve luftarake e municionit”, “Prodhim e mbajtje pa leje armëve të gjuetisë dhe sportive”.

Shpërndaje në rrjete sociale

Lajmet më të lexuara

Të ngjashme

Foto lajm