Vodhi me armë në Itali, policia arreston 23-vjeçarin shqiptar në Shkodër

13:04 | 10 Janar 2021
L G

Një 23-vjeçar i kërkuar në Itali për vjedhje me armë është arrestuar në Shkodër me qëllim ekstradimi drejt vendit fqinj.

B. Th. banues në Plan të Shkodrës ishte shpallur në kërkim ndërkombëtar, pasi Gjykata e Vercelit, Itali, në vitin 2019, ka lëshuar urdhër-arresti për veprën penale “Vjedhje me armë në rrethana rënduese”.

Maksimumi i dënimit për këtë vepër penale është 20 vjet burg, parashikuar nga legjislacioni penal italian.

“Kapet dhe vihet në pranga një 23-vjeçar i kërkuar në Itali për vjedhje me armë. Në vijim të punës për kapjen e personave të shpallur në kërkim kombëtar e ndërkombëtar, si rezultat i bashkëpunimit dhe shkëmbimit të informacionit mes DVP Shkodër dhe Interpol Tirana”, thuhet në njoftimin e policisë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm