Vodhi çantën plot me para brenda makinës në Sarandë, arrestohet 46-vjeçari

14:15 | 12 Shtator 2023
E.K

Një 46 vjeçar ka rënë në prangat e policisë së Sarandës pasi akuzohet për vjedhje. Sipas policisë në kuadër të operacionit të koduar “Cash”, është vënë në pranga një 46-vjeçar që dyshohet se ka vjedhur në një automjet, një çantë me një shumë të konsiderueshme parash dhe dokumente.

Nga veprimet hetimore dyshohet se ky shtetas, më datë 09.09.2023, në rrugën “Butrinti”, ka vjedhur në një automjet, një çantë me 450 000 lekë të rinj, 2000 euro dhe dokumente të ndryshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit Sarandë, për veprime të mëtejshme, për veprën penale “Vjedhja”. /abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm