Situata e zjarreve në vend vijon të jetë problematike në disa zona kryesisht në zonën veriore dhe verilindore të vendit. Në Majën e Rrunës terreni mjaft i vështirë dhe era e fortë vijon të mbajë aktive vatrat e zjarreve në lakun e Thive dhe të Mollave. Ndonëse në terren janë angazhuar forcat zjarrfikëse, punonjës të pyjores dhe të komunitetit, zjarri nuk është shuar ende. Pritet që të bëhet ndërhyrja nga ajri pasi situata paraqitet e vështirë.
Edhe në qarkun e Lezhës situata e zjarreve paraqitet problematike veçanërisht në njësinë administrative të Kolshit. Deri më tani në këtë zonë sipërfaqja e përshkuar nga zjarri është mbi 30 hektarë, nga të cilat 15 hektarë me shkurre dhe pemë janë djegur plotësisht. Më e përmirësuar duket situata e zjarreve në fshatin Thirrë të bashkisë Mirditë. Këtu zjarri ka përshkuar një sipërfaqe rreth 220 hektarë nga të cilat janë djegur 140 hektarë pyje me ahe, dushqe dhe pishë./lapsi.al/
Kurti: Zgjerimi i BE-së, përgjigja më e mirë ndaj atyre që e...
Shtohen disa shërbime të reja në Neurokirurgji
Feyenoord – Leverkusen, formacionet zyrtare
Komisioni Disiplinor merr vendimet për dhunën në ndeshjen De...
Vriten dy ushtarë izraelitë pranë kufirit me Libanin
Trepça nesër luan sfidën e dytë për kualifikim në Ligën e Ka...