Zjarri në Qafën e Llogorasë vijon të jetë ende aktiv, ndërsa flakët po favorizohen edhe nga era. Kështu deklaroi për mediat drejtori i Shërbimit Zjarrfikës, Arben Ceka i cili tha se nga ana tjetër, vatra e zjarrit në Dhërmi është vënë nën kontroll.
Sipas Cekës, në Qafën e Llogorasë ndodhen rreth 40 forca zjarrfikëse dhe po ashtu i janë bashkuar edhe Policia e Shtetit dhe Emergjencat Civile. I pyetur nëse rrezikohet Parku Kombëtar i Llogorasë, Ceka u shpreh se pritet që zjarri të vihet nën kontroll.
“Kemi patur dy vatra zjarri paralele, një në Himarë dhe një në Llogora. Fatmirësisht vatrën e zjarrit në Llogora e vumë në kontroll shumë shpejt. Më pas jemi zhvendosur këtu në qafën e Llogorasë ku po punojmë për shuarjen e vatrës së zjarrit, por era e favorizon shumë. Kemi çdo gjë në kontroll, kemi rreth 40 forca zjarrfikëse që po punojnë, na janë bashkuar Policia e Shtetit, Emergjencat Civile. Mendoj që do ta vëmë në kontroll shumë shpejt”, u shpreh ai.
/rtsh.al/
Nora Istrefi në superformë, ndan imazhe të nxehta nga plazhi
Një top tjetër do të përdoret në gjysmëfinalet dhe finalen e...
Propozimi për armëpushim, Hamasi thotë se është në pritje të...
22-vjeçari nga Lipjani synon Çmimin Nobel
Ushtria serbe marshon nëpër Prijedor pa lejen e Presidencës ...
Pakti me Italinë për pensionet, përfitues të skemës janë 500...