2 mijë punonjës policie të nivelit zbatues rrezikojnë të mos plotësojnë në kohë formularët për procesin e vetingut duke rrezikuar kështu largimin nga rradhët e uniformave blu.
Për ketë arsye Sindikata e Policisë dorëzoi një kërkesë pranë Ministrisë së Brendshme për shtyrjen e afatit.
Por krahas vështirësive në mbledhjen e dokumentave që nevojiten për plotësimin e formularëve, kreu i Sindikatës thotë se punonjësit e policisë kanë kosto financiare.
“Janë 11 dokumente që u kërkohet për pasurinë në një afat tejet të shkurtër, por ka edhe kosto financiare për familjet e tyre, pasi duhet të paguajnë për tërheqjen e dokumentave”, thotë Sadetin Fishta, kreu i Sindikatës së Policisë.
Afati i fundit për plotësimin e 3 formularëve, ai i pasurisë, kontrollit të figurës dhe aftësive profesionale është 5 maji.
Sindikata kërkon që afati të shtyhet me të paktën 1 muaj, pasi efektivëve u kërkohen vërtetime, për transaksionet e llogaritë bankare, të dhena për udhëtime jashtë shtetit, vërtetime për pagesat për arsimin e fëmijëve, vërtetime për detyrime, ose burimin e pasurisë dhe disa dokumenta të tjera./Tch
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...
Kurti takoi Drejtorin e Përgjithshëm për Zgjerim të Bashkimi...