Kandidati i Partisë Socialiste për kryetar në Bashkinë e Himarës, Vangjel Tavo ka vizituar sot fshatin Borsh.
Tavo është ndjerë i nderuar që banorët në Borsh kanë vendosur t’i besojnë atij, si dhe t’i ndajnë shqetësimet dhe problemet që ata hasin çdo ditë me të, përcjell Arbresh.info.
“Një takim tejet i përzemërt në Borshin e bukur, me histori të pasur, me monumente kulturore e historike dhe me banorë mikpritës e punëtorë. Ndihem i nderuar që banorët vendosin besimin e tyre te mua, e ndajnë me mua shqetësimet dhe problemet që hasin çdo ditë. Besimi i tyre më bën edhe më të përkushtuar që pas 4 gushtit të punoj për zgjidhje sa më të shpejta të çështjeve që e shqetësojnë komunitetin”, ka shkruar Tavo në llogarinë e tij në Facebook.
Tutje, ai para banorëve ka shpalosur planin e punës si kryetar i Himarës pas datës 4 gusht.
“Në Qazim Pali, Borsh, duke dialoguar e duke shprehur hapur përpara banorëve planin e punës sime si Kryetar i Bashkisë Himarë pas 4 gushtit. Çdo fjalë me banorët sot vlen me një premtim të mbajtur ndaj tyre nesër. Fjala ime dhe Programi im i qartë, konkret e i detajuar Për Drejtimin e Bashkisë janë një kontratë publike në përbushjen e të gjitha premtimeve pas 4 gushtit”, ka shkruar tutje Tavo./Arbresh.info
Lexo edhe:
Leverkuseni ‘demolon’ Feyenoordin në Ligën e Kampionëve
Monaco-Barcelona, formacionet zyrtare
Gjimshti starton ndaj Arsenalit, këto janë formacionet zyrta...
Lëndohen 2 persona nga shpërthimi i një bombole gazi në një ...
Borrel dënon sulmet vdekjeprurëse në Liban: Qëllimi ishte pë...
Arrestohen 22 punonjës e ish-punonjës të Policisë Rrugore, r...