Kanali i ujërave të larta në Plepa të Durrësit është kthyer jo vetëm në një vatër infeksionesh për pushuesit në bregdet, po dhe një imazh që dëmton rëndë turizmin e zonës.
Kanali që rrjedh paralel me “Shtëpinë e Pushimit” të Ministrisë së Mbrojtjes zbret nga fshatrat përtej rrugës dhe derdhet në det.
Përveç ujërave të larta në këtë shkarkohen dhe ujërat e përdorur të zonës së mbipopulluar kodrinore të Arapajt, Shkallnurit e një pjese të Shkëmbit të Kavajës, përfshirë dhe ujërat e zeza të dhjetëra ndërtimeve në zonë që ende funksionojnë me gropa septike.
Pushuesit e shumtë, një pjesë e madhe e të cilëve dhe shtetas maqedonas, që frekuentojnë plazhin mes Plepave dhe Shkëmbit të Kavajës ku derdhet dhe kanali thonë se duhet bërë më shumë për pastërtinë e plazhit dhe ujërave të tij.
Ndërkohë sistemi i filtrimit i vendosur disa vite më parë, që mundësonte pastrimin e ujërave të ndotura para derdhjes së tyre në det, nuk është më në funksionim./Top Channel
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...
Një person në Shtime lëndohet me burgi derisa po punonte në ...
Haddad: Franca vend mik i Kosovës, do të mbështesim zhvillim...
Gjuriq: Serbia nënshkroi letrën mbështetëse për Guterresin
Princi Harry dhe Meghan Markle blenë një shtëpi në Europë