Google ADS

U prek nga meningjiti akut, humb jetën 17-vjeçarja nga Durrësi, vaksinohen mjekët

11:13 | 16 Dhjetor 2024
A Z

Një 17-vjeçare nga Durrësi vdiq këtë të diel pasi ishte prekur nga sëmundja e meningjitit.

Adoleshentja ishte dërguar në spitalin rajonal të Durrësit ditën e shtunën, por për shkak të gjendjes së rënduar ajo është transferuar në Tiranë ku ka ndërruar jetë.

Referuar këtij rasti, personeli i spitalit të Durrësit, familjarët e tyre, por dhe cilido që pati kontakt me të renë, është urdhëruar nga Drejtoria e Shëndetit Publik të bëjnë vaksinën përkatëse, shkruan A2.

Meningjiti është një infeksion i rrallë që prek membranat delikate, të quajtura meningje, që mbulojnë trurin dhe palcën kurrizore.

Meningjiti mund të shkaktojë helmim të gjakut, i cili është kërcënues për jetën dhe të rezultojë në dëmtim të përhershëm të trurit ose nervave. Kjo sëmundje është ngjitëse ndaj mjekët bëjnë apel të mos neglizhohet asnjë gjendje shëndetësore.

 

Shpërndaje në rrjete sociale

Lajmet më të lexuara

Të ngjashme

Foto lajm