Tymi i zi pushton Vlorën/ Katastrofë mjedisore, përkeqësohet situata në vendgrumbullimin e mbetjeve

22:27 | 23 Korrik 2023
Orgesa Haziri

Tymi i zi ka pushtuar qytetin bregdetar të Vlorës, pasi vendgrumbullimi i mbetjeve urbane u përfshi nga flakët këtë të diel.

Flakët kanë përshkuar pothuajse të gjithë fushën e mbetjeve urbane të qytetit. Siç shihet në pamje, tymi ka pushtuar një sipërfaqe të madhe, duke shkaktuar dëm kolosal për qytetin, pasi djegia e mbeturinave çliron kimikatet e dëmshme për organizmin.

Situata është përkeqësuar, pasi zjarri është duke përparuar dhe djegur plastika gjë që vështirëson punën e zjarrfikëseve.

Forca të shumta zjarrfikëse por dhe punonjës të bashkisë janë duke punuar për të izoluar flakët, por era që fryn ndihmon zjarrin.

Zjarri i madh rrezikon edhe banesat afër vatrës.

Fusha e mbetjeve urbane në Vlorë është përfshirë edhe më parë nga flakët, ndërsa shkaqet nuk dihen ende, teksa nuk përjashtohet fakti se zjarri mund të jetë i qëllimshëm./tch/

Shpërndaje në rrjete sociale

Lajmet më të lexuara

Të ngjashme

Foto lajm