Disa persona janë shoqëruar në lidhje me shpërthimin e tritolit që ndodhi mbrëmjen e së mërkurës në Sarandë.
Uniformat blu të qytetit bregdetar kanë marrë në pyetje pronarin e hotelit ku u vendos lënda plasëse, familjarë të tij si dhe persona që mund të kenë dijeni për ngjarjen ndërsa ende nuk ka të ndaluar.
Vetë pronari i hotelit Mariel Murati ka mohuar që të ketë konflikte ndërsa mendon se autorët e tritolit kanë dashur që t’i prishin imazhin.
Lënda plasëse u vendos në një garazh ndërsa nga shpërthimi pati vetëm dëme të vogla materiale.
Kjo ishte hera e dytë që në këtë hotel vendoset lënde eksplozive pasi një ngjarje e tillë ka ndodhur edhe në shkurt të vitit të kaluar.
Mariel Murati mban detyrën e Drejtor i Fondit të Sigurimit të Kujdesit Shëndetësor në Sarandë ndërsa më herët ka mbajtur detyrën e drejtorit të ALUIZNIT në qytetin bregdetar.
Klan News
Vinicius tregon se çfarë iu tha Ancelotti pas pjesës së parë
BQK merr pjesë në takimin vjetorë të FMN-së dhe BB-së në Was...
Policia shqiptoi 2 mijë e 416 gjoba trafiku brenda 24 orëve
Meta mbërrin në GJKKO, pritet të njihet me masën e sigurisë
Një shtetas i huaj gjendet pa shenja jete në Prizren
Ancelotti: Vinicius do ta fitojë Topin e Artë