Google ADS

Tre shqiptarë kapen në Itali me 1 mln euro heroinë e kokainë

02:06 | 6 Prill 2017
Trina Galanxhi

Një superaksion antidroge është zhvilluar në Chieti të Italisë, ku policia sekuestroi rreth 9 kg heroinë. Në kuadër të këtij operacioni kanë rënë në pranga tre shqiptarë.

Mediat fqinje shkruajnë se 9 kg heroinë ishte e ndarë në 18 pako, ndërsa pjesa tjetër, 900 gram kokainë ishte e ndarë në dy pako. Heroina u gjet në brendësi të bagazheve të një makine “Smart”.

Gjithashtu policia ka publikuar emrat e shqiptarëve të arrestuar dhe ata janë Armando Greca, 25-vjeç, Moris Greca, 21 vjeç dhe Amendea Jaupaj, 23 vjeç.

Sipas asaj që raportohet në media, arrestimet e tyre erdhën pas kontrolleve të zhvilluara në automjet. Lënda narkotike ishte e destinuar për në tregun e Chieti dhe Pescaras, ndërsa do të fitonin rreth një milionë euro. Hetimet janë duke u zhvilluar për të gjetur origjinën e lëndës narkotike.

Shpërndaje në rrjete sociale

Lajmet më të lexuara

Të ngjashme

Foto lajm