Tiranë: Gruaja terrorizon të dashurën e djalit

23:16 | 31 Gusht 2017
Arbresh.info

Një vajzë e re në Tiranë ka denoncuar në polici nënën e të dashurit të saj, duke e akuzuar se ka ushtruar presion ndaj saj.

Gjatë ditës së djeshme u referuan materialet në Prokurorinë e Tiranës, për shtetasen SH.A., 49 vjeçe, banuese në Tiranë, shkruan Lapsi.

20-vjeçarja G.S., tha në polici se gruaja ka ushtruar presion ndaj saj për të mos bashkëjetuar me djalin, me të cilin ajo ishte e lidhur.

E reja ka thënë se 49-vjeçarja ia kishte kthyer jetën në makth, pasi ushtronte presion ndaj saj duke i thënë se do e pësonte nëse nuk hiqte dorë nga i biri.

Pas denoncimit, ndaj 20-vjeçares u plotësua kërkesë padia për lëshimin e urdhrit të mbrojtjes së menjëhershme.

Ndaj të dyshuarës materialet iu referuan Prokurorisë së Tiranës për ndjekje të mëtejshme lidhur me veprën penale “Për masa ndaj dhunës në marrëdhëniet familjare”.

Shpërndaje në rrjete sociale

Lajmet më të lexuara

Të ngjashme

Foto lajm