Tiranë, atentat me armë zjarri tek Misto Mame, plagosen dy persona

01:35 | 12 Korrik 2017
Trina Galanxhi

Nje telefonate rreth orës 23:29 në numrin e Emergjencave 112 ka informuar policine per te shtena me armë në rrugën “Sabaudin Gabrani”, në ish “Misto Mame”.

Menjëherë në vendgjarje kanë shkuar shërbimet e policisë ku ka rezultuar se nga të shtënat me armë kanë mbetur të  plagosur  shtetasit:  Xh. V., 33 vjeç, si dhe  J. SH., 25 vjeç. Shtetasit e plagosur janë transportuar në spital dhe janë  jashtë rrezikut për jetën.

Policia ben me dije se në vendngjarje është gjetur i braktisur një automjet tip Golf që paraprakisht dyshohet se është përdorur nga autorët.

Grupi hetimor ka sekuestruar disa gëzhoja të qitura nga armë zjarri pistoletë si dhe po vazhdon punën për sqarimin e rrethanave të ngjarjes.

Nga veprimet e para hetimore të kryera në vendngjarje policia ka identifikuar autorët e dyshuar,  por për arsye hetimi nuk jepen të dhëna të tjera. Janë ngritur pika kontrolli në hyrje – daljet e qytetit si dhe po krihet zona përrreth me qëllim  kapjen e autoreve. 

Shpërndaje në rrjete sociale

Lajmet më të lexuara

Të ngjashme

Foto lajm