Agjencia Evropiane e Mjedisit ka renditur kryeqytetin e Shqipërisë, Tiranën në top 10-shen e kryeqyteteve të Evropës me mbulimin më të madh urban me pemë.
Kështu ka bërë të ditur kryetari i bashkisë së Tiranës, Erion Veliaj teksa ka shtuar se Tirana i ka lënë pas Athinën, Beogradin, Brukselin e shumë qytete të tjera, përcjell Arbresh.info.
“Super lajm për Tiranën nga Agjencia Europiane e Mjedisit! Hidhi një sy këtij grafiku , për të mësuar se si *Tirana listohet në top 10-shen e kryeqyteteve të Europës me mbulimin më të madh urban me pemë* , duke lënë pas Athinën, Beogradin, Brukselin e plot qytete të tjera. Një arritje e jashtëzakonshme për gjithë punën e bërë në këto vite, me mbjelljen e pemëve të reja , si e vetmja mënyrë për të përmirësuar jetën e fëmijëve dhe të gjithëve”, ka shkruar Veliaj në llogarinë e tij në Facebook.
“Eshtë edhe një përgjigje për shpotitjet e atyre që, çudi si nuk lodhen së djeguri goma duke ndotur mjedisin në qendër të Tiranës, por mazallah se kapin një lopatë me dorë”, shtoi ai./Arbresh.info
Parashikimi i motit për të premten
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League