Tension në parlament, opozita tenton të bllokojë foltoren

11:37 | 31 Janar 2019
A. B.

Teksa ministrja e re e Financave, Anila Denaj po mbante fjalën e parë të saj në parlament, deputetët e opozitës kanë bllokuar foltoren e Kuvendit.

Sipas opozitës kjo mbledhje e parlamentit nuk mund të vazhdojë pa ardhur Edi Rama në sallë.

“Që në këtë kuvend ka kohë që ka rënë hija e mortit është e qartë. Ju nuk e dini pse jeni këtu. Gjysma prej jush këtu jenë për shkak të një grushti kriminelësh me të cilët keni lidhur fatin tuaj.

Ka 5 vjet që PD denoncon, gjithçka që ne kemi thënë është faktuar, është botuar nga mediat e vendit dhe botës.

Ju pretendoni se nuk ka ndodhur asgjë, ndërsa kryeautori i asgjësimit të zgjedhjeve nuk denjon as të vijë sot. Nuk e mbajnë këmbët? Nuk e mbajnë nervat, s’ka marrë ilaçet, i ka mbaruar pluhuri? Është problemi i tij. Ne nuk mund të pretendojmë për një seancë normale. Ndaj gjëja e parë që duhet bërë kjo seancë duhet ndërprerë”, tha Basha.

 

Shpërndaje në rrjete sociale

Lajmet më të lexuara

Të ngjashme

Foto lajm