Temperaturat e larta, vijon plazhi në Shqipëri

01:21 | 4 Shtator 2022
Trina Galanxhi

Sezoni turistik nuk ka mbaruar në Shqipëri. Temperaturat e larta të Shtatorit kanë bërë që turistë të shumtë vendas dhe të huaj të popullojnë zonat bregdetare, siç duket edhe këtë të shtunë në bregdetin e Durrësit.

“Shtatori është i qetë, vij gjithmonë në Shqipëri”.

“Për mua plazhi më i mirë është Maji, Qershori dhe Shtatori, është qetësi”.

Sipas operatorëve turistikë, prenotimet mbeten të larta. Sipas tyre mbi 80 % e kapaciteteve të hotelerive në Durrës janë ende të prenotuara.

Jo vetëm kaq, por prenotimet janë deri në javën e parë të Tetorit.

Edhe në Vlorë plazhet vijojnë të jenë të mbushur me turistë të shumtë.

Këtë vit jo vetëm riviera shqiptare por edhe qytetet antike janë populluar me pushues dhe turistë të shumtë duke bërë që të tejkalohet viti 2019, si viti më i mirë parapandemik për numrin e lartë të turistëve./klan.al/

Shpërndaje në rrjete sociale

Lajmet më të lexuara

Të ngjashme

Foto lajm