Google ADS

Të shtëna me kallashnikov në drejtim të një lokali në Sarandë

00:27 | 11 Maj 2017
Trina Galanxhi

Persona ende të paidentifikuar kanë qëlluar me armë në drejtim të një lokali loto sport në lagjen nr 1 të Sarandës, në orët e vona të mbrëmjes së 10 majit 2017.

Nga informacionet e para të përcjella nga gazetari i Ora News Geraldi Bregu, objektiv i atentatit ka qenë Rudin Haxhia, 39 vjeç ndërsa policia ende nuk ka një njoftim zyrtar lidhur me këtë ngjarje.

Autorët mendohet se kanë qëlluar me kallashnikov me silenciator nga dera që ndodhej në pjesë e pasme të lokalit pranë Prokurorisë së rrethit dhe më pas e kanë braktisur.

Fatmirësisht nuk ka pasur të lënduar vetëm panik pasi lokali ka qenë i mbipopulluar në ato moment.

Policia nuk ka njoftim zyrtar lidhur me ngjarjen ndërsa Rudin Haxhia ka qenë disa herë  subjekt i disa atentateve.

Shpërndaje në rrjete sociale

Lajmet më të lexuara

Të ngjashme

Foto lajm