Google ADS

Të shtëna me armë zjarri në Bushat, qëllohet drejt një automjeti të blinduar

20:59 | 23 Gusht 2024
A B

Qëllohet me armë zjarri në drejtim të një automjeti tip Audi të blinduar. Ngjarja ka ndodhur në njësinë Bushat të bashkisë Vau Dejës.

Gazetari Simon Shkreli raporton se nuk ka persona të lënduar.  Policia ka gjetur të braktisur automjetin në fshatin Rranxa të Bushatit.

Policia po punon për gjetjen e autorëve ndërsa janë të paqarta arsyet e kësaj ngjarje. Gjithashtu ende nuk dihet edhe pronësia e mjetit të blinduar.

Njoftimi i policisë:

Rreth orës 18:55, në fshatin Rrenxa, Bushat, dyshohet se është qëlluar me armë zjarri në drejtim të një automjeti të parkuar. Nuk ka persona të dëmtuar.

Me marrjen e njoftimit, shërbimet e Policisë kanë shkuar menjëherë në vendngjarje.

Grupi hetimor në drejtimin e Prokurorisë, po punon për zbardhjen e rrethanave, identifikimin e autorit dhe dokumentimin ligjor të rastit./abcnews/

Shpërndaje në rrjete sociale

Lajmet më të lexuara

Të ngjashme

Foto lajm