Google ADS

Të arrestuarit sfidojnë prokurorët: Gjeni video dhe na dënoni dyfish!

08:30 | 3 Prill 2018
M. A.

Prokurorë dhe oficerë të policisë gjyqësore të Kukësit zbarkuan gjatë të hënës në Tiranë, ku kanë marrë në pyetje 23 personat e arrestuar pas protestës dhe shkatërrimeve në pikën e pagesës së tarifës për Rrugën e Kombit.

Të arrestuarit janë pyetur në ambientet e Drejtorisë së Policisë së Tiranës dhe në komisariatet nr.1 dhe 3. Burimet kanë pohuar për Top Channel se asnjë nga 23 të ndaluarit nuk ka pranuar se ka djegur apo qëlluar me gurë ndaj policisë në pikat e pagesës së tarifës të ngritur nga firma koncesionare, madje mësohet se ata kanë kërkuar një marrëveshje fjale me prokurorët se nëse ata siguronin video, ku ata duken duke kryer akte dhune, do të bënin dyfishin e viteve të burgut që parashikon vepra penale.

Të njëjtat burime kanë pohuar se pritet që të ndaluarit të dalin para Gjykatës së Kukësit ditën e mërkurë, ku do të caktohen masat e sigurisë për secilin prej tyre.

Shpërndaje në rrjete sociale

Lajmet më të lexuara

Të ngjashme

Foto lajm