SPAK regjistron incidentin në Kuvend/ Pas PS, dorëzon kallëzim edhe opozita

15:35 | 1 Nëntor 2023
KRG

Incidenti i ndodhur të hënën në Kuvend, është regjistruar si çështje në Prokurorinë e Posaçme Anti Korrupsion, pas kallëzimit të Grupit Parlamentar të Partisë Socialiste për deputetin Bledjon Nallbati.

Grupi Parlamentar i Partisë Socialiste kallëzoi penalisht deputetin Bledjon Nallbati për dhunën fizike të ushtruar në seancën e fundit ndaj deputetit Vullnet Sinaj.

Duke përmendur goditjen e Sinajt, në kallëzimin që mban firmën e kryetarit të Grupit Parlamentar të PS-së, pretendohet se Nallbati ka konsumuar veprën penale “Goditje për shkak të detyrës”.

Pas PS-së, një kallëzim penal u dorëzua edhe nga opozita, që pretendon se deputeti demokrat u godit nga deputeti socialist. Sipas demokratëve, është Sinaj, ai që ka kryer veprën penale “Goditje për shkak të detyrës”.

Incidenti ndodhi të hënën, pasi deputetët e opozitës penguan vijimin e rendit të ditës në Kuvend dhe krijuan tensione./TCh/

Shpërndaje në rrjete sociale

Lajmet më të lexuara

Të ngjashme

Foto lajm