Ditën e sotme në orën 12:00 gjyqtarja e posaçme Irena Gjoka pritet që të shpallë vendimin e saj nëse do të ashpërsojë masën e sigurisë për ta dërguar ish-kryeministrin Sali Berisha në arrest shtëpie. SPAK e ka kërkuar këtë pasi thotë se Berisha nuk ka zbatuar masën e detyrimit për t’u paraqitur caktuar në Tetor ndaj tij.
Ndaj organi i akuzës kërkon ashpërsim të masës në arrest shtëpie me mbikëqyrje policore duke i hequr edhe të drejtën e kontakteve. Nga ana tjetër, avokatët kanë pretenduar se masa e parë ndaj Berishës është antikushtetuese sa kohë doli pa lejen e Kuvendit. Gjithashtu, ata konsiderojnë se kërkesa e SPAK për mbikëqyrje policore dhe mungesë të komunikimeve është jo ligjore.
Për këtë kishin paralajmëruar se të premten (29 Dhjetor) do të dërgonin një kërkesë për përjashtimin e gjyqtares Irena Gjoka. Por Gjykata e Posaçme njoftoi se avokatët nuk e kishin bërë këtë brenda orarit zyrtar. Në një reagim për Tv Klan, avokati i Berishës, Sokol Mëngjesi, tha se GJKKO së pari, duhet të informojë publikun pse nuk i vuri atyre në dispozicion një vendim që ata e konsideronin të domosdoshme për kërkesën e tyre për përjashtim.
Ish-kryeministri Berisha akuzohet si i dyshuar për korrupsion në lidhje me privatizimin e ish-kompleksit Partizani. Nën hetim për këtë dosje është dhe dhëndri i tij Jamarbër Malltezi, i cili ndodhet në masë sigurie arrest shtëpie.
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...
Maqedonci: Armatosja e Serbisë, rrezik për stabilitetin në B...