Sot përcaktohet fati i negociatave për Shqipërinë e Maqedoninë në BE

08:29 | 18 Qershor 2019
A. B.

Ministrat e Jashtëm të vendeve të Bashkimit Evropian pritet që sot të japin vendimin për hapjen ose jo të negociatave për anëtarësim të Shqipërisë dhe Maqedonisë së Veriut.

Duket se fati i Shqipërisë tashmë është përcaktuar, pasi një prej vendeve të BE-së si Holanda ka votuar në Parlamentin e saj kundër hapjes së negociatave.

Nga ana tjetër ekziston një dritë jeshile për Maqedoninë e Veriut.

Ministri i Jashtëm shqiptar Gent Cakaj pret një përgjigje pozitive për të dy vendet.

Ai përjashton kategorisht mundësinë e ndarjes së Maqedonisë së Veriut nga Shqipëria, duke theksuar se kjo e fundit ka përmbushur të gjitha kushtet.

Vendimi do të merret gjatë samitit që do të zhvillohet sot në Luksemburg.

Para nisjes drejt Luksemburgut, shefja e diplomacisë evropiane Federica Mogherini bëri thirrje për një vendim pozitiv për dy vendet, si vlerësim për reformat e ndërmarra./ora/

Shpërndaje në rrjete sociale

Lajmet më të lexuara

Të ngjashme

Foto lajm