Sot gjyqi ndaj Bardh Spahisë, ish-deputeti nuk paraqitet në seancë

11:10 | 11 Korrik 2019
Arbresh.info

Është shtyrë për në orën 14:00 seanca gjyqësore për ish-deputetin demokrat, Bardh Spahia, në Gjykatën e Apelit në Shkodër.

Shkak për shtyerjen e seancës është bërë mungesa e ish-deputetit Spahia.

Nga ana e saj, gjykata ka vendosur të kontaktojë Komisariatin e Policisë në Tiranë për të pyetur nëse po shoqërohet apo jo Spahia, pasi avokatët mbrojtës kanë deklaruar se ish-deputeti ka informacion për seancën e sotme, por nuk është prezent.

Avokatët mbrojtës kanë prokurë nga familjarët e Bardh Spahisë, madje edhe vetë ish-deputeti ka deklaruar që të mbrohet nga avokatët e tij, Ivi Kaso e Ledi Nurja, edhe nëse mungon në seancë.

Bardha Spahia u la pak javë më parë në “arrest shtëpie”, pasi akuzohet për përplasjet mes mbështetësve të opozitës dhe policisë në shkollen “Shejnaze Juka” në Shkodër, e cila ishte percaktuar si KZAZ në zgjedhjet e 30 Qershorit./TCH

Shpërndaje në rrjete sociale

Lajmet më të lexuara

Të ngjashme

Foto lajm