Pas deklaratës së Këshillit Europian për shtyrjen në vjeshtë të vendimit për hapjen e negociatave me Shqipërinë dhe Maqedoninë e Veriut ka reaguar ambasadori i Bashkimit Europian, Luigi Soreca.
Në Twitter, Soreca i bën sërish apel palëve politike që të nisin sa më parë dialogun për zgjidhjen e krizës politike, ndërsa shton se nuk ka kohë për të humbur.
“Këshilli europian ka riafirmuar sot angazhimin e saj për hapjen e negociatave për Shqipërinë dhe Maqedoninë e Veriut. “Vendim i qartë dhe substancial” nga Këshilli, tani është koha që të gjitha institucionet të vazhdojnë të përqendrohen në procesin e reformave, në veçanti në reformën në drejtësi,dhe për të rinisur urgjentisht një dialog me të gjitha partitë për të kapërcyer situatën e tanishme politike, për të siguruar që Shqipëria të mund të vazhdojë në rrugën e saj drejt anëtarësimit në BE. Nuk ka kohë për të humbur. 2/2”, shkruan ai.
Ndërkohë Këshilli i Bashkimit Evropian ka lëshuar një deklaratë të shkurtër në Twitter pas takimit të sotëm, ku thuhet midis të tjerash se “Komisioni Evropian raporton se qeveria shqiptare ka përmbushur kushtet e vendosura. Këshilli do të vendosë jo më vonë se muaji tetor. Do të jemi të rreptë, por të drejtë”./tch
Shenjat që tregojnë se je duke humbur veten për të bërë të t...
Përfitimet e të menduarit pozitiv dhe si ta praktikojmë atë ...
Sveçla pas aksionit në Pejë ku u sekuestruan mbi një ton dro...
Peci u kërkon debat ish-ministrave të Bujqësisë, synon t’i k...
Gërvalla në takimin ShBA-Karta e Adriatikut: Kosova, e palëk...
Ndahet nga jeta aktorja e njohur e “Harry Potter”