Google ADS

Skandali seksual, lirohet nga burgu ish-kryebashkiaku i Dibrës Shukri Xhelili

20:45 | 30 Qershor 2017
Arbresh.info

Është liruar nga burgu pasditen e sotme ish-kryebashkiaku i Dibrës Shukri Xhelili. Ish­-zyrtari i lartë u dënua pas publikimit të video-skandalit, ku kërkonte favore seksuale në këmbim të një vendi pune.

Disa javë më parë, Xhelili i bëri rekurs vendimit të Apelit të Krimeve të Rënda, sipas të cilit u dënua me 1 vit e 8 muaj burg për akuzën “marrëdhënie seksuale ose homoseksuale duke shpërdoruar detyrën”. Në vendimin ndaj tij, Apeli i Krimeve të Rënda ndryshoi kualifikimin e akuzës, e cila në Shkallën e Parë ishte ajo e “korrupsionit pasiv…”.
Por Xhelili këmbëngulte se ishte i pafajshëm, duke kërkuar prishjen e vendimit të Shkallës së Parë dhe Apelit për Krimet e Rënda, dhe deklarimin e tij të pafajshëm.
Pas këtyre kërkesave ka ardhur edhe vendimi për lirimin e ish-kryebashkiakut të Dibrës Shukri Xhelili.

 

Shpërndaje në rrjete sociale

Lajmet më të lexuara

Të ngjashme

Foto lajm