Komiteti Teknik i Ekspertëve në Shqipëri njoftoi ditën e sotme se niveli i masave që janë deri më tani është i përshtatshëm për të kontrolluar situatën epidemiologjike.

Zv/ministrja Mira Rakacolli u shpreh se për këtë arsye do të mbeten në fuqi masat që janë. Ajo shtoi se ora policore do të jetë e njëjtë, por me përjashtim të natës së ndërrimit të viteve.

“Të nderuar qytetarë analiza sugjeron që niveli i masave është i përshtatshëm për ta kontrolluar këtë situatë. Pra për momentin do të mbeten në fuqi masat që kemi”, tha Rakacolli.

Ora policore do të jetë e njëjtë me përjashtim të natës së ndërrimit të viteve”, u shpreh Rakacolli.

Rakacolli shpjegoi se kjo liri ka të bëjë vetëm me lëvizjen, dhe jo me organizimin e aktiviteteve. Që do të thotë se qytetarët do të mund të festojnë me familjet e tyre dhe të lëvizin lirisht, por jo të mblidhen në bare e restorante.

“Ora policore nuk ka lidhje me organizimin e aktiviteteve ka lidhje me lejimin e lëvizshmërisë së njerëzve përgjatë asaj nate”./tvklan/