Shtyhet sërish miratimi i rritjes së pagave të gjyqtarëve të Kushtetueses në Shqipëri

18:20 | 12 Qershor 2024
D.H

Votimi për rritjen e pagave të gjyqtarëve të Gjykatës Kushtetuese n Shqipëri u shty me kërkesë të Partisë Socialiste.

Kërkesa në Kuvendin e Shqipërisë u parashtrua nga kreu i grupit të PS, Bledi Çuçi.

Votimi për pr/ligji “për organizimin dhe funksionimin e Gjykatës Kushtetuese të Republikës së Shqipërisë” që parashikon rritjen e pagës së gjyqtarëve të këtij institucioni, është shtyrë për të disatën herë.

Socialistët nuk bënë dot 85 votat që kërkoheshin për këtë projektligj.

Projektligji parashikon se paga e gjyqtarit të Gjykatës Kushtetuese të jetë e barabartë me pagën e Kryetarit të Gjykatës së Lartë. Me ndryshimet e propozuara rroga tashmë bëhet sa 96 % e pagës së presidentit, plus 58 % shtesa për shkak të natyrës së veçantë të punës. Pra paga e anëtarit të Gjykatës Kushtetuese bëhet 644 mijë lekë.

Ndërsa drejtuesi i Gjykatës ka 20% shtesë për shkak të pozicionit dhe paga e tij arrin 773 mijë lekë./topchanel

Shpërndaje në rrjete sociale

Lajmet më të lexuara

Të ngjashme

Foto lajm