Shqipëria synon mbylljen e kazinove

13:26 | 23 Tetor 2018
M. A.

Komisioni i Ekonomisë i Parlamentit të Shqipërisë ka miratuar ndryshimet në ligjin për “Lojërat e Fatit”, i cili i hap rrugë mbylljes së aktiviteteve të kazinove dhe basteve pas 31 dhjetorit.

Ministri i Financave dhe i Ekonomisë, Arben Ahmetaj, tha se nuk ka kthim mbrapa dhe se dita e fundit e vitit është edhe dita e fundit e ekzistencës të këtyre bizneseve.

Ndryshimet u miratuan vetëm nga pozita pasi që deputetët opozitarë kanë munguar.

Kreu i Komisionit, Erjon Braçe tha se ky ligj mund të hyjë menjëherë në fuqi, pasi për këtë nuk ka pasur asnjë rezervë nga Presidenti Ilir Meta.

Kundërshtarët kanë thënë se me mbylljen e basteve humben rreth 8 mijë vende pune në Shqipëri.

Shpërndaje në rrjete sociale

Lajmet më të lexuara

Të ngjashme

Foto lajm