Zonat malore të Shqipërisë janë perfshirë nga reshjet e dëborës gjatë natës së mbrëmshme duke sjell vështirësi në qarkullimin e automojeteve.

Autoriteti Rrugor Shqiptar (ARRSH) njofton se në Rajonin Jugor ka pasur reshje dëbore në Llogara, Korçë-Qafë Qarri-Ersekë-Leskovik, Boboshticë-Dardhë, Qafë Thanë-Kapshticë ku është bërë pastrimi i rrugëve dhe qarkullimi vazhdon normalisht.

Reshje dëbore ka pasur edhe në Rajonin Qendror, konkretisht në Krujë-Sarisalltik, Tiranë-Dajt, Librazhd-Steblevë, Zëmblak-Goricë dhe Qafë Mollë- Bizë ndërsa rekomandohet përdorimi i zinxhirëve.

Gjithashtu edhe veriu i vendit është përfshirë nga reshjet e dëborës në Bajram Curri-Valbonë, Kukës-Ura e Zapodit, Qafë Mali-Fierzë, Kuben-Vasije, Qafë Qelë-Pukë-Fushë Arrëz-Fushë Dukagjin, Skurraj-Peshkopi, në akset Hani i Hotit-Tamarë dhe Dedaj-Razëm-Bogë dhe Dedaj-Razëm-Bogë ku rekomandohet përdorimi i zinxhirëve.

”Drejtuesit e mjeteve duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore”, u shpreh ARRSH.

Ndërkohë, sipas mediave lokale, rruga Tiranë-Dibër ose e njohur ndryshe si “Rruga e Arbrit” është mbyllur për shkak të reshjeve të dëborës.

Në anën tjetër nuk raportohen probleme për qarkullimin e automjeteve në rrugën Milot-Morinë ose “Rruga e Kombit”.