Shqipëria me taksa të ulëta për mjetet elektrike, Balluku: Zëvendësoni makinat me lëndë djegëse

14:59 | 20 Prill 2022
A. B.

Ministrja e Energjisë dhe Infrastrukturës në Shqipëri, Belinda Balluku iu bërë thirrje sot qytetarëve që të zëvendësojnë makinat me lëndë djegëse me makina elektrike.

Gjatë prezantimit të autobusët e rinj elektrik që i shtohen transportit publik në Tiranë, Balluku ka thënë se qeveria stimulon me taksa më të ulëta këdo që kalon tek teknologjia e re e makinave, pra tek mjetet elektrike.

“Rimbursojmë çdo tarifë regjistrimi për herë të parë për mjetet elektrike duke zeruar tarifat e kontrollit fizik, leje qarkullimi kombëtare, certifikatë pronësie dhe targat”, u shpreh Balluku.

“Kemi ndërmarrë një sërë iniciativash për të nxitur transportin e gjelbër, miqësor me mjedisin, duke krijuar në këtë mënyrë kushte sa më të mira për të gjithë qytetarët të cilët zgjedhin të udhëtojnë përmes mjeteve të transportit publik”, ka thënë ministrja në një njoftim në Facebook pas prezantimit të autobusëve elektrikë.

Shpërndaje në rrjete sociale

Lajmet më të lexuara

Të ngjashme

Foto lajm