Shqipëria me kontrolle anti-kanabis në të gjithë vendin

22:05 | 1 Mars 2017
Trina Galanxhi

Policia e Shtetit ka nisur një tjetër operacion masiv në të gjithë vendin për parandalimin e kultivimit të bimëve narkotike.

Operacioni ka filluar rreth orës 16.00 të ditës së sotme dhe do vijojë për disa ditë rresht duke pasur kontrolle si nga toka ashtu edhe nga ajri.

Në operacion janë përfshirë 4150 punonjës policie si edhe efektivë të FNSH-së. Gjatë këtij operacioni do të ketë kontroll të imtësishëm të gjitha serave, depove, magazinave, ambienteve dhe shtëpive të braktisura, tuneleve e ish-reparteve ushtarake.

Gjithashtu kontrollet do përqendrohen në çdo zonë ku përgjatë 10 viteve të fundit është evidentuar kultivim i bimëve narkotike.

Kontrollet nga ajëri do përqendrohen në zonat malore e të thepisura. Në kontrollet nga ajri do përfshihet FNSH ku do kontrollohet çdo stan e parcelë që gjatë 10 viteve të kaluara ka pasur bimë narkotike  të kultivuara.

Shpërndaje në rrjete sociale

Lajmet më të lexuara

Të ngjashme

Foto lajm