Rreth orës 23:00 të mbrëmjes së sotme, Komisioni Qendror i Zgjedhjeve ka publikuar rezultat e para në rang vendi për zgjedhjet e 25 prillit.

Nga grafiku i publikuar në faqen zyrtare të KQZ, PS rezulton me 46, 27 për qind në rang kombëtar, PD me 44,. 71 për qind dhe LSI me 6, 67 për qind.

Sipas të dhënave të plota të exit poll-it të Euronews Albania dhe MRB rezulton se do të ketë një garë të fortë mes Partisë Socialiste dhe opozitës.

Në ndarjen e votave në përqindje, PS rezulton me 43.3-47.5%, kurse për PD ka 40 deri në 44% të votave.

Pjesa tjetër është shpërndarë mes LSI, PSD dhe një përqindje e vogël për parti të tjera.

Shqipëri: Nis zyrtarisht numërimi i votave për zgjedhjet e 25 prillit

Pas përfundimit të procesit të votimit, Euronews Albania mëson se ka nisur procesi i votimit në disa bashki të vendit, ndërsa në Pustec ka përfunduar numërimi për një fshat.

Është mbyllur numërimi për fshatin Kallamas të Pustecit, ku në avantazh është PS me 4 vota.

Pritet që numërimi për gjithë Bashkinë të përfundojë brenda orës 23:30.

Rezutati në Kallamas:

PS 118

PD 114

LSI 17

E para ka qenë Bashkia e Pustecit e cila ka hapur zyrtarisht procesin e numërimit.

Burime për Euronews Albania bënë me dije se edhe në bashkinë Has ka nisur procesi i numërimit.

Në Tropojë pritet që numërimi të nisë në orën 22:00 dhe 23:00. Rreth kësaj ore pritet edhe për zonat e tjera.