Google ADS

Shpëtohen 4 alpinistë serbë që po udhëtonin në Alpet e Shqipërisë

23:01 | 26 Mars 2023
E.H

Efektivë të Forcës Ajrore të Shqipërisë, me dy helikopterët ndërhynë sot për shpëtimin e një grupi prej 4 alpinistësh serbë, të cilët ndodheshin në një ekspeditë në Alpet e Shqipërisë.

Ministria e Mbrojtjes njoftoi se, gjatë kalimit nëpër shtegun malor nga Valbona në Theth, alpinistët kanë rrëshqitur dhe njëri prej tyre ka pësuar lëndime në trup.

Alpinisti i dëmtuar është transportuar me helikopter për në Qendrën Spitalore Universitare në Tiranë, ku ndodhet nën kujdesin e mjekëve. Tre alpinistët e tjerë kanë shpëtuar pa lëndime.

Zona malore nga Valbona në Theth është një nga destinacionet më të pëlqyera nga grupet e alpinistëve vendas dhe të huaj.

Për shkak se shumë prej grupeve preferojnë të udhëtojnë pa ndihmën e shoqëruesve, jo rrallë ata kanë humbur udhën, duke rrezikuar edhe jetën./voa/

Shpërndaje në rrjete sociale

Lajmet më të lexuara

Të ngjashme

Foto lajm