Google ADS

Shoferi në Divjakë përplas me makinë dy fëmijë

15:57 | 9 Tetor 2021
Arditë Shkodra

Dy fëmijë janë plagosur të shtunën paradite si pasojë e një aksidenti të ndodhur në fshatin Mizë të Divjakës.

Burimet nga policia thanë se një automjet tip “Opel” ka përplasur dy të mitur, shtetasit me inicialet E.A., 10 vjeç dhe O.A., 8 vjeç.

Ata janë dërguar menjëherë në spital dhe po marrin trajtimin e nevojshëm mjekësor.

“Sot rreth orës 11:00, në fshatin Mizë, Divjakë, shtetasi P. Ç, duke drejtuar mjetin tip “Opel” ka përplasur shtetasit E. A., 10 vjeç dhe O. A., 8 vjeç, të cilët ndodhen në spital nën kujdesin e mjekëve”, thuhet në njoftimin e policisë.

Po ashtu, grupi hetimor ndodhet në vendgjarje dhe po punon për zbardhjen e plotë të rrethanave të aksidentit.

Shpërndaje në rrjete sociale

Lajmet më të lexuara

Të ngjashme

Foto lajm