Kala Festival më çoi në “Maldivet e Evropës” – dhe kuptova pse ky vend është destinacioni i preferuar i turistëve.

Më shumë se një dekadë pas vizitës së saj të parë, korrespondetja e të përditshmes britanike “Independent”, Maya Oppenheim kthehet në Shqipëri – një destinacion turistik në zhvillim – duke zbuluar bukurinë e saj, kulturën e pasur dhe joshjen e peizazheve të pacënuara, që vështirë se mund t’u rezistosh.

Udhëtova në Shqipëri për herë të parë në moshën 20-vjeçare me një traget nga Korfuzi. Në këmbim të akomodimit dhe disa ushqimeve falas, unë punova në një bujtinë në Berat – kryesisht duke shërbyer birra të ftohta për mysafirët dhe riorganizuar jastëkët në divane.

I quajtur qyteti i një mbi një dritareve dhe i listuar si një sit i Trashëgimisë Botërore të UNESCO-s, qyteti mahnitës i Beratit i epokës osmane – ia vlen të vizitohet.

Gjatë vizitës time në Shqipëri në vitin 2012, kalova një muaj – tre javë në Berat dhe një javë duke udhëtuar vetëm nëpër vend – ishte si një ëndërr.

E konsideruar si një perlë e fshehur dhe xhevahiri i Ballkanit – Shqipëria i meriton plotësisht këto emërtime – dhe statusin e saj në rritje si destinacioni i ri i Evropës.

Udhëtimi nga Londra në Aeroportin e Tiranës me linjë ajrore zgjat më pak se tre orë. Shqipëria është një vend me bukuri natyrore mahnitëse, ku dielli shkëlqen rreth 300 ditë në vit.

Këtë verë, vizitova Shqipërinë për të festuar. Shkova në Kala Festival – një festival muzikor në qytetin bregdetar të Dhërmiut në Rivierën Shqiptare.

Një vend i mbushur me ujëra të pastra kristal, të cilin do të ishte bukur ta vizitonit pavarësisht festivalit.

Fluturova drejt kryeqytetit, Tiranës, duke kujtuar menjëherë pse më kishte pëlqyer ky qytet shumëngjyrësh në vizitën time të parë. Edi Rama, kryeministri aktual dhe ish-kryebashkiaku i Tiranës, ishte përgjegjës për lyerjen e ndërtesave të vjetra të stilit komunist – me një sërë ngjyrash të ndezura.

Shqipëria është shumë më e lirë se shumica e vendeve evropiane, dhe një vakt i shijshëm në Tiranë ofrohet me çmim të arsyeshëm.

Vakti na kushtoi rreth 20 £ secili, pavarësisht se ishte një restorant mjaft luksoz.

Më pas, u ulëm në një minibus për të shkuar në Kala Festival dhe m’u kujtua vendi që kisha përjetuar më parë.

Më në fund arritëm në Dhërmi. I shtrirë në pesë skena të hapura zbuluam Kala Festival në Dhërmi.

Edicioni i këtij viti përfshinte performanca nga Tomorrow Comes The Harvest – grupi i muzikës Techno të Detroitit Jeff Mills; Afrobeat dhe grupi i fusionit Jazz Kokoroko, Horsemeat Disco, DJ-të Haseeb Iqbal, OK Williams, Avalon Emerson, Job Jobse, Yu Su dhe shumë të tjerë – me disa grupe që performonin deri në pesë orë.

Pjesa më interesante ishte udhëtimi në plazhin e Gjipesë me një motobarkë.

Festat ditore, atje organizohen në një pyll në plazhin e izoluar pranë një kanioni mahnitës.

Ne u akomoduam në hotelin luksoz “Empire Beach Resort”. Ushqimi në Dhërmi në restorant “Prishtina”, ishte i shijshëm.

Ne porositëm porcione gjigante me patate të shijshme me pulë të pjekur, bukë të bërë vetë, sallatë greke dhe një birrë – të gjitha me një çmim modest prej rreth 12 £ për person.

Kala, festivali i parë ndërkombëtar në Shqipëri, ofron njëkohësisht rekreacionin dhe relaksin, duke kaluar në mënyrë të përsosur kufirin midis festivalit dhe festës – një event i cili është bërë gjithnjë e më popullor me kalimin e viteve.

Festivali është i mirëorganizuar, duke përfshirë masazhet në plazh, seancat e meditimit dhe shëtitjet në ujëvara.

Për ta përmbledhur, Kala Festival ishte një kënaqësi. Një përvojë e nxitur nga qielli blu pa re dhe radhët, praktikisht inekzistente për pije.

Pra, Shqipëria, padyshim ia vlen të vizitohet. Popullariteti i destinacionit të ri të pushimeve vazhdon të rritet – ndërsa ekspertët e udhëtimeve e kanë konsideruar Rivierën Shqiptare si “Maldivet e Evropës”. Vendi është i mrekullueshëm.