Shkodër, vëllai vrau motrën dhe e mbante në shtëpi prej 3 ditësh

23:51 | 6 Qershor 2021
Trina Galanxhi

Diana Vuka, rreth të 50-ve u gjet e pajetë orët e vona të kësaj të diele në shtëpinë ku banonte, në lagjen 3 heronjtë në Shkodër.

Burime paraprake për Klan News, raportojnë për një krim makabër. Viktima dyshohet se ishte vrarë nga vëllai i saj 3 ditë më parë.

Autori i kësaj ngjarjeje të rëndë dyshohet se është vëllai i saj, Fabian Vuka, i cili u arrestua nga policia.

Burime për Klan News thonë se mes palëve mësohet se kishte pasur konflikte herë pas here. Viktima jetonte mes Gjermanisë dhe Shqipërisë, dhe kishte rreth një javë që ishte kthyer në vendlindje.

Të dhënat janë ende paraprake dhe pritet që më shumë detaje të kemi në vijim.

Shpërndaje në rrjete sociale

Lajmet më të lexuara

Të ngjashme

Foto lajm