40 skafe të bllokuara dhe gjoba me vlerë deri në 100 mijë janë vendosur këtë javë nga Policia Kufitare në plazhet e Shqipërisë.
Pronarët e mjeteve lundruese, kanë shkelur rregullat e lundrimit, duke rrezikuar jetën e pushuesve në plazhe.
Skafet dhe gomonet që lundrojnë kundër rregullave, po rrezikojnë jetën e pushuesve në plazhet shqiptare.
“Për këtë arsye, Policia Kufitare ka marrë masa, duke bllokuar dhe vendosur gjoba për dhjetra mjete lundruese në të gjithë vijën detare, që nga Ksamili deri në Velipojë. Kështu, gjatë kësaj jave, Policia ka bllokuar 40 mjete lundruese, nga të cilët 30 jet ski, 5 skafë dhe 5 gomone. 26 mjete lundruese janë bllokuar nga Ksamili në Vlorë. 10 mjete lundruese janë bllokuar nga Durrësi në Shëngjin dhe 4 në Velipojë”, thuhet në njoftim.
“13 prej mjeteve lundruese të bllokuara janë konstatuar, duke lundruar brenda perimetrit të sigurisë, shkelje e cila rrezikonte jetën e pushuesve. Drejtuesit e këtyre mjeteve janë ndëshkuar secili me masë administrative 100 000 lekë. Drejtuesit e 27 mjeteve të tjera lundruese, krahas masës së bllokimit të mjeteve, u ndëshkuan secili me masë administrative 10 000 lekë për mungesë dokumentacioni”, njofton policia.
Policia Kufitare apelon për të gjithë përdoruesit e mjeteve lundruese, të zbatojnë me rigorozitet rregullat për përdorimin e mjeteve lundruese, të jenë të pajisur me mjetet e shpëtimit, si dhe të respektojnë zonat e përcaktuara për lundrim me këto mjete./euronews.al
Është gjetur edhe vetura e dytë, e cila ishte vjedhur në fsh...
Vitia: Modernizimi i hapësirave spitalore po vazhdon, janë k...
Ursula von der Leyen nesër në Prishtinë, pritet nga kryemini...
Kryesia e Kuvendit të hënën me mbledhje, në rend dite projek...
“Nxënësit po përgjumen”, mësuesja në Tiranë alarmon se po pë...
“Përfitoi 40 mijë euro”, Gjykata merr një vendim për personi...