Policia e Sarandës ka goditur një rast të shitjes së produkteve ushqimore të skaduara, brenda perimetrit të sigurisë së një shkolle në Konispol.
Nga verifikimet e kryera, si rezultat i kontrolleve në zbatim të Paketës për Sigurinë në shkolla, ka rezultuar se produktet ishin të kontrabanduara dhe shiteshin pa faturë.
Në pranga ka përfunduar pronari i këtij subjekti, me detyrë përgjegjës i Policisë Bashkiake Konispol, i cili duke përdorur detyrën e tij, ka shmangur kontrollet në dyqan.
Në cilësinë e provës materiale u sekuestruan produkte të ndryshme ushqimore të kontrabanduara dhe të skaduara, ndërkohë që materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
“Në vijim të veprimeve, specialistët për Hetimit e Krimeve Ekonomike dhe Financiare të Komisariatit të Policisë Sarandë arrestuan në flagrancë pronarin e dyqanit, shtetasin N. A., 56 vjeç, banues në Konsipol, me detyrë përgjegjës i Policisë Bashkiake Konispol.
Nga verifikimet ka rezultuar se ky shtetas duke përdorur detyrën, ka ndikuar për të shmangur kontrollet në subjektin ku shiteshin produkte pa faturë”, thuhet në njoftimin e policisë./euronews.al
Rritja e nivelit të manganit, KRU “Prishtina” ve...
Udhëheqësi i ri i NATO-s zotohet të rrisë mbështetjen për Uk...
Arrin në 20 numri i të vdekurve nga përmbytjet në Bosnjë
Rama: Së shpejti, Prishtina do të jetë pa qen endacak në hap...
Haxhiu: Kemi ende punë për të bërë për fuqizimin e grave
Kosova përfundoi në vendin e parë nga 11 shtete pjesëmarrëse...