Sherri për pronën, dy tiranasit përfundojnë të sakatuar në spital

13:08 | 12 Gusht 2017
L G

Policia ka vënë në pranga dy persona pasi janë përfshirë në një sherr për motive pronësie. Dy të arrestuarit pas sherrit kanë marrë mjetet e mprehta e sende duke sakatuar njëri-tjetrit.

Policia njofton se shërbimet e policisë të Komisariatit nr.1, kanë bërë të mundur arrestimin në flagrancë të shtetasve Eduart Dushku, 41 vjeç, banues në Tiranë dhe Skënder Osma, 38 vjeç, banues në Tiranë.

“Arrestimi i këtyre shtetasve është bërë i mundur pasi, në Sauk janë konfliktuar me njëri-tjetrin, për motive pronësie, ku për pasojë është dëmtuar me mjet prerës në trup, shtetasi Skënder Osma, ndërsa shtetasi Eduart Dushku është dëmtuar me sende të forta në kokë”- njofton policia.

Të dy shtetasit e dëmtuar janë jashtë rrezikut për jetën.
Materialet u referuan pranë Prokurorisë së Rrethit Gjyqësorë Tiranë, në ngarkim të shtetasve të lartpërmendur, për veprat penale “Plagosje lehtë me dashje” dhe “Mbajtja pa leje e armëve të ftohta”, parashikuar nga neni 89 dhe 279 i Kodit Penal

Shpërndaje në rrjete sociale

Lajmet më të lexuara

Të ngjashme

Foto lajm