Google ADS

Sherri me fjalë përfundon me 1 të plagosur, çfarë ndodhi në Shkodër

15:48 | 18 Shkurt 2021
Arbresh.info

Një sherr i çastit ka lënë të plagosur një person në Shkodër. Mësohet se pas një debati verbal që ka pasur mes dy personave, njëri prej tyre ka goditur tjetrin me mjete të forta në kokë duke i shkaktuar disa plagë.

Tvklan raportoi se sipas dëshmitarëve i lënduari ka qëndruar i shtrirë në trotuar për disa minuta. Është dashur ndërhyrja e ambulancës që e ka transportuar në spitalin e Shkodrës.

Policia njoftoi më pas se i plagosuri, një 31-vjeçar me iniciale K.B. fatmirësisht ndodhet jashtë rrezikut për jetën.

Menjëherë në vendin e ngjarjes ka shkuar policia e cila ka rrethuar zonën dhe është vënë në ndjekje të autorit, i cili është identifikuar nga ana e tyre. E gjithë skena është regjistruar në lagjen Qemal Stafa, në qendër të qytetit. Siç duket nga pamjet bëhet fjalë për një zonë të populluar.

Shpërndaje në rrjete sociale

Lajmet më të lexuara

Të ngjashme

Foto lajm