Sherr në Korçë, goditet në kokë me sende të forta një 55-vjeçar

22:54 | 28 Prill 2024
E.G

Një sherr për motive të dobëta mbrëmjen e së dielës ka përfunduar me lëndimin e një personi në qytetin e Korçës.

Policia thotë se këta persona fillimisht janë konfliktuar verbalisht, ndërsa njëri prej tyre ka goditur me sende të forta në kokë 55-vjeçarin duke i shkaktuar fraktura dhe çarje.

Autori i dyshuar i ngjarjes është shoqëruar në komisariat.

Sakaq, 55-vjeçari ka marrë lëndime të thella në kokë dhe për pasojë është transportuar me urgjencë drejt Tiranës, për ndihmë mjekësore të specializuar. Grupi hetimor po punon për sqarimin e rrethanave të ngjarjes./ abcnews.al

Shpërndaje në rrjete sociale

Lajmet më të lexuara

Të ngjashme

Foto lajm