Shëndetësi dhe edukim në mjerim, Kamenica, fshati me ambulancë dhe kopsht të rrënuar

12:24 | 24 Prill 2018
Arbresh.info

Kjo është ambulanca e fshatit Kamenicë, në Divjakë.

Por, nëse banorët e fshatit mund ta thërrasin në shtëpi infermieren kur janë sëmurë, këtë zgjedhje nuk e kanë fëmijët e kopshtit që ndodhet në të njëjtin mjedis.

“Nuk kemi çfarë të bëjmë, këto kushte janë. Sikur kopshti të ishte pak më i mirë, me kushtet minimale të plotësuara”, shprehet një prind.

22 fëmijë kalojnë ditën në këtë kopsht në godinën e rrënuar, me mure të plasaritur, myk dhe çati të prishur. Kur bie shi, uji hyn brenda, ndërsa në tualet fëmijët duhet të shkojnë me çadër.

Edukatorja dhe infermierja thonë se po presin zhvendosjen në një mjedis tjetër, derisa të rindërtohet godina.

Dhe pritja nuk dihet sa do të vazhdojë. Por, prindërit shpresojnë se të paktën bërja publike e situatës do të përshpejtojë largimin e fëmijëve nga godina, e cila jo vetëm kopsht, por as ambulancë nuk duhet të jetë./TCh

Shpërndaje në rrjete sociale

Lajmet më të lexuara

Të ngjashme

Foto lajm