Google ADS

Sekuestrohet drogë me vlerë 1 mln euro; në pranga 2 shqiptarë

01:53 | 8 Mars 2017
Trina Galanxhi

Shpërndarësit shqiptar të drogës tentojnë t’i arratisen policisë italiane nga çatia e shtëpive në lagjen ‘Borghesiana’, të Romës por arrestohen pas një aksioni të organizuar.

Mediat italiane raportojnë se janë arrestuar dy shqiptarë përkatësisht 22 dhe 23 vjeç, të akuzuar për trafikim të drogës dhe posedim të armëve në mënyrë të paligjshme.

Në këtë aksion policia ka sekuestruar 240 kg marijuanë, 50 gram kokainë dhe 20 mijë euro kesh. Kur policia italiane bastisi apartamentin e dy shqiptarëve, trafikantët hipën në papafingo dhe u përpoqën që të shpëtonin duke u larguar nga çatia.

Gjithashtu ata kishin marrë me vete edhe çelësat e depozitës në të cilën kishin fshehur drogën. Të arrestuarit i hodhën çelësat në një pishinë, por që u gjetën nga policia.

Policia i ka ndjekur shqiptarët edhe mbi çati dhe arriti që t’i bllokonte. Në sajë të llogarive që ka bërë policia, vlera e drogës në treg shkonte rreth 1 milion euro.

Shpërndaje në rrjete sociale

Lajmet më të lexuara

Të ngjashme

Foto lajm