Samiti i organizuar nga Shtëpia e Bardhë, Balluku: Shqipëria merr drejtimin e projektit të rregullimit të aseteve virtuale

13:08 | 4 Tetor 2024
E.K

Zëvendëskryeministrja e Shqipërisë, njëherësh ministre e Infrastrukturës dhe Energjisë, Belinda Balluku deklaroi sot se Shqipëria ka marrë një rol kyç në Samitin e Katërt Global për Parandalimin e Ransomware, organizuar nga Shtëpia e Bardhë.

“Ne po udhëheqim një projekt që synon të forcojë rregullimin e aseteve virtuale dhe të ndalojë fluksin e paligjshëm të fondeve që mbështesin industrinë e ransomware-it”, u shpreh Balluku.

Balluku publikoi edhe njoftimin e Shtëpisë së Bardhë në të cilin theksohet se “ky projekt përmirëson rregullimin e aseteve virtuale dhe prish ekosistemin e pagesave që fuqizon këtë industri të rrezikshme”.

Me këtë nismë, vuri në dukje Balluku, Shqipëria dëshmon angazhimin e saj për bashkëpunimin ndërkombëtar dhe përforcimin e sigurisë globale./atsh

Shpërndaje në rrjete sociale

Lajmet më të lexuara

Të ngjashme

Foto lajm